بوگون پاكدشت شهرجييينين كانون شهدا فرهنگسرا-سيندا، اؤلمزشاعيريميز سئلاوغلونون بيرينجي ايلدؤنومونده كي چيخيشيمين يازيسي.
............................................................................
ييرميبئش ايل اؤنجه، شاعير سئلاوغلونو بير گؤروش اوزاقدان گؤرموشدوم. نهايسه، زامان اويغون- اويارلي اولماديغيندان، تانيشماميز باش توتماميشدي. ايكي- اوچ ايل سونراسي، بير گون ساز باغلايان- آشيق دوستوم اوستاد حسن شرفي-نين دوكانيندا اوتوردوقدا، سانكي بيردن- بيره شاعير سئلاوغلو گؤيدن ائندي!. آشيق دوستوموزلا قول آچيب قوجاقلاشديلار- اؤپوشدولر- گؤروشدولر. شاعير، منله ده ال گؤروشدولر!. دوغالدير كي، قيساجيق بير سوره دن سونرا، سؤز- صؤحبت، شئعيره ساري يؤنلدي!. اوزومو شاعيره توتاراق، دئديم: شاعير ... ، اولار .... بيزي بير شئعيره قونوق ائدهسيز؟!.
شاعيريميز، بير دؤنه داها، مني آياق- باش سئزدي! . اؤزل باخيشييلا باخاراق. اؤزونه مخصوص دئييمله، دئدي: قاداسي ............... ! شاعيرسن ..... ؟!
جانيما قورخو دوشدو، تئز دئديم: يوخ- يوخ !! . نهايسه ، شاعير گؤزلريمين ايچينه باخيردي! آرتيرديم: شاعير كي، يوخ !. شئعير سئوهرم . نهايسه، گاهدان بير جيزما- قارالار دا جيزارام .....
اوستاد شرفي، شاعيره دئدي: شئعير اوخويورسان سازي كؤكلهييم....؟!. يوخسا، سنه نه كيم نهچي دي؟!!. سئلاوغلونون جاوابيني گؤزلهمهدي. بير ساز دوواردان آلدي ...........
سئلاوغلونو، بيرينجي گؤروش اوز- اوزه گؤردويوم، او گؤزل- اؤزل ديكلهمهسيندن، ديليندن شئعير دينلهديييم، ايندي ده گؤزومون اؤنونده !. نئچه كي، ياشاييرام، او صحنه گؤزومون اؤنونده- قافامدا، اورهييمين اؤزل بير كؤشهسينده ياشاماليدير.
بيرجه گؤروش، او قيساجا سورهنين ايچينده گئدن سؤز- صؤحبتلر ، سئلاوغلونون يومشاق اورهيي، ايستي بير دوستلوغون- گؤزل بير يولداشليغين باشلانغيجي اولدو ...........
........................................
|
بايرام ايدي گولوشون |
|
|
|
باهار ايدي گليشين |
|
|
|
سئلاوغلو سئل ايدين ده بت- بره هؤرمك ايشين |
|
|
|
سؤزباغي ايدين انگين |
|
|
|
سؤزكاني ايدين زنگين |
|
|
|
سئلاوغلو-دنيز ايدين گاه دالغالي گاه دينگين |
|
|
|
دور! سئلاوغلو، آي قوچاق |
|
|
|
آي قلبي ياماق- ياماق |
|
|
|
قوربت سنين ايچينده، |
|
|
|
درد اولدو يوماق- يوماق. |
|
|
|
|
|
|
|
|
|
|